27. මැයි පලවෙනිදා...

දෙයියන්ගේ නාමයෙන් මාතෘකාව නම් අනික් පැත්ත හරවන්ට එපා ඔන්න...
ඒ කියන්නේ පද පෙරලි කරන්ට එපා...
වචන නොපිට ගහන්ට එපා...

ගොඩාක් අය දන්නවා (අඩු තරමේ දන්නවා කියලා හිතනවා) කම්කරු දිනයක් කියලා එකක් පටන් ගත්තේ කොහොමද?
ඇයි?
ඒකේ අරමුණු මොනවද?
අරකද මේකද කියලා...

කොහොම හරි කම්කරුවෝ වෙනුවෙන් දිනයක් වෙන් කරලා තියෙනවා. ඒ දිනය වෙනුවෙන් එක එක විදිහේ පෙළපාලි ත් තියෙනවා...

ඒත් ප්‍රශ්නය කියන්නේ ඒවා එකකින් වත් කම්කරුවන්ගේ අයිතිය වෙනුවෙන් යමක් වෙනවද???
ඇත්තටම මේ මැයි පලවෙනිදා තියෙන්නේ කම්කරුවෝ වෙනුවෙන්ද???
එහෙමත් නැත්නම් දේශපාලන පක්ෂ වලට තම තමන්ගේ පක්ෂ වල බලය පෙන්වා ගෙන එක එක්කෙනාට බැන ගන්ට ද???

කියන ප්‍රශ්න නම් ඕනේ කෙනෙකුට මතු වෙන්ට පුලුවන්...

නියම වැඩේ කියන්නේ මේ පෙළපාලි වලට කම්කරුවෝ ත් එන එකනේ. හැබෑට ඒ අයට වත් මේක තේරුම් ගන්ට බැරිද???
ඒ කියන්නේ මෙතන ඇත්තටම කම්කරුවෝ වෙනුවෙන් දෙයක් නොවෙන බව තේරුම් ගන්ට බැරිද???

කාට හරි සමහර විට හිතෙයි,
"පව් අසරණ අහිංසක මිනිස්සු. එයාලාට තේරුමක් නෑ, අවබෝධයක් නෑ වෙන්නේ මොකක්ද කියන එක.
එයාලා රැවටිලා එන්නේ."
වගේ දේවල්.

ඒත් නෑ...
එහෙම වෙන්ට ත් බෑ. බලන්ට එපැයි එයාලා සාමාන්‍ය ජීවිතයේදී දෙන දේශපාලන තර්ක. පුදුමත් හිතෙනවා ලොකුවට කතා කරගෙන එනකොට.
එච්චර පැහිච්චකම් කියවන ඒ අයට ඇත්ත මොකක්ද කියන එක තේරුම් ගන්ට බැරි ද???


ඕඕඕහ්...
වැඩක් නෑ...
ඒත්,
වෙන්නේ නම් ලොකු වරදක්...
මේකේ මුල  කොතැනද???